أنا متطوع - برنامج التطوع بمعرض القاهرة الدولى للكتاب

للسنة التالتة على التوالي برنامج التطوع بمعرض القاهرة الدولى للكتاب يعود تحت رعاية وزارة الشباب والرياضة و وزارة الثقافة


1- لجنة التوثيق الإعلامي
المهمة الأساسية في اللجنة دى توثيق كل فعاليات المعرض والحفلات ويوميات الزائرين وتنقسم لاربع مجالات ( التصوير الفوتوغرافي – تصوير الفيديو – المونتاج – الكتابة والتوثيق الصحفى).

2- لجنة الاستعلامات والمعلومات
مهمة اللجنة في توفير كافة المعلومات اللى الزائر بيحتاجها من سؤاله عن دور النشر اللى موجودة في الصالة او الكتب اللى موجودة او سؤاله عن كتاب او ناشر معين ، كذلك الفعاليات اللى المعرض بيعملها يومياً .

3- لجنة الاستقبال توجيه الجمهور
اللجنة دي تعتبر عصب المعرض لانهم اول ناس بيقابلوا الزائر لما يخش وع اساسهم الزائر بيقرر يخش اى صالة من صالات المعرض الأربعة .

4- لجنة المراسم والعلاقات العامة
في المعرض بيكون فيه 12 قاعه ، فيهم فعاليات وندوات ولقاءات ثقافية ، مهمة أعضاء اللجنة هي استقبال الضيوف وتوصيلهم للقاعه او للاستراحة ، وبرضه انهم يشرفوا على القاعه ونظامها ، ويبقوا عارفين جدول قاعتهم بشكل يومي علشان لو حد سألهم علي حاجه من الجمهور.


للتطوع برجاء الضغط هنا للتسجيل